തൃശൂര്: വെടിക്കെട്ടുപുര അപകടത്തില് പ്രതികരിച്ച് കെപിസിസി പ്രസിഡന്റ് സണ്ണി ജോസഫ്. വേദനയുടെ ആഴം പറയാന് കഴിയാത്ത സ്ഥിതിയാണെന്ന് അദ്ദേഹം പറഞ്ഞു. മരിച്ചവരുടെ ബന്ധുക്കളുടെ ദുഃഖത്തില് പങ്കുചേരുന്നതായും അദ്ദേഹം കൂട്ടിച്ചേര്ത്തു. വിശദമായ അന്വേഷണം വേണമെന്നും അദ്ദേഹം പറഞ്ഞു.
പൂരം നടത്തിപ്പില് ഉത്തരവാദിത്തപ്പെട്ടവര് സമചിത്തതയോടെ കാര്യങ്ങള് തീരുമാനിക്കണം. നഷ്ടപരിഹാര പ്രഖ്യാപനം അന്തിമമാകരുത്. കമ്മീഷന് നിര്ദ്ദേശങ്ങള് കൂടി പരിഗണിക്കണമെന്നും സണ്ണി ജോസഫ് പ്രതികരിച്ചു.
അതേസമയം പൂരം നടത്തിപ്പ് സംബന്ധിച്ച തീരുമാനം നാളെ ചേരുന്ന യോഗത്തിന് ശേഷമെന്ന് ദേവസ്വം മന്ത്രി വി എന് വാസവന് പ്രതികരിച്ചു. തിരുവമ്പാടി, പാറമേക്കാവ് ദേവസ്വം ഭാരവാഹികളും ജില്ലാ ഭാരവാഹികളും ഉദ്യോഗസ്ഥരും ചേര്ന്ന അവലോകന യോഗം നാളെ രാവിലെ 10.30ന് ചേരുമെന്നും ഇതിനായി ഹൈക്കോടതി അനുമതി നല്കിയെന്നും വി എന് വാസവന് പറഞ്ഞു.
News Desk
സൈബര് നിയമ പ്രകാരം അശ്ലീലവും നിയമ വിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള് വായനക്കാരുടെത് മാത്രമാണ്.
Loading...please wait
